又長文慎入之鼓鼓下 show 後感

香港開埠以來第一次有個紋身傻佬殺入親子界之...

又長文慎入之鼓鼓下 show 後感

香港開埠以來第一次有個紋身傻佬殺入親子界之一連三場「鼓鼓吓」終於圓滿結束。我其實好少打長文show後感但係今次真係想...

首先其實成件事只係源於一餐lunch，有人話想搵我做個親子敲擊互動show！我？親子？😳 周身紋身喎大佬！但係成件事聽落去又好似幾有意義吖，咁香港又真係好似未試過有我哋自己以敲擊為主題嘅親子節目，既然你都唔驚，我又無理由驚啫！

咁其實人哋明明淨係搵我做個節目嘅唧，排練加埋位就得㗎喇！但係我呢個雙魚仔🐟🐟，一應承之後就跌入咗無限想像嘅世界，個腦不受控制咁諗點樣會好睇d，加d咩又會好玩d...於是越拉越多人落水！

多謝主辦嘅Terence Chiu，監製 天恩 咁夠薑搵我做親子show，更加多謝無辜辜比我拉落水嘅呢一班人，統籌嘅Ada and @avissum 音樂總監 @lee_waibass 同做音樂嘅 @denniewong @pamchung,要再次再次多謝Pam姐俾我dup心口黎幫我地做埋programmer(一世人兩兄妹有你有我)仲有至偉大嘅導演/編劇 @apple_ng1202 ，無你哋呢個show根本唔會成事。

紋身佬做親子show，宣傳真係要落多雙倍功夫，多謝呢幾個最暖心應援 @antonfung @funn_steffunn @kolor_official @playfire @ilovemyoq @yoshi.1c and @hilaryxtsui 只要我問一句就已經肯幫我拍宣傳片，我喺台上面其實有一組beat係為你哋而打，感唔感應到？😆

當然最緊要係我兩位拍檔 巨肌 @lawpiaf 💪🏼 同天樂 @heihei_drummer 😄，三個人三個意識形態三個性格三組敲擊，呢個化學作用令到全個表演都豐富起嚟，有你哋兩個陪我一齊喺個台度我定好多❤️

台下你哋睇嘅呢60分鐘，其實台前幕後Janet, Siu kei , Karmen 我哋前前後後排足三個禮拜！再加上一日內做三場，都真係用盡我十成功力💦不過見到d大朋友小朋友玩得咁開心，連我自己都冇諗過，個滿足感會係咁大。

多謝嚟睇嘅每一位大朋友小朋友，鼓哥仔好開心你哋咁開心，希望嚟緊你哋會繼續士多啤梨士多啤梨蘋果蘋果橙橙橙橙 咁轟炸你哋父母🍓🍓🍎🍎🍊🍊🍊🍊🤣🤣🤣🤣🤣
今次嚟唔到嘅朋友，如果真係可以有rerun嘅話，希望見到你哋！

話說回頭，其實再追溯多少少，鼓鼓吓嘅誕生唔多唔少都可能關擊戰效應事！ViuTV 破格做個全女子打鼓真人show，成功將打鼓帶入屋，令到唔少家長接受仔仔女女去接觸呢樣樂器，咁成功，不如...都開第二季啦！（R撈mode強力啟動）

最後請大家踴躍留言：
A：撐「鼓鼓吓」rerun
B：撐「擊戰」第二季
C：撐晒
#鼓鼓吓

---